Ogni cogo i le inventa dute par maravear e contentar i aventori ufrindoghe calcossa de nou, unico e special.

Noi se vemo fat tante domande su quala che saria stada la nostra magnera de prontar el magnar e vemo pensà de ufrirghe a quei che vien qua de noialtri la nostra tradizion.

La Ostaria Bisiaca la fa parte de una pensada che la tien cont la nostra tera e i nostri magnari. Quei che ne cusinava i nostri noni.

I piati che vemo in lista fa parte de la Bisiacaria e del nostro saver. Da le crote frite ala pasta a la busara. Dal toc’ de cinghial ai bigui co le cape tonde.

I magnari che trovarè in ta la Riserva i sarà fati cun roba del nostro teritorio, sarà piati de la tradizion, cussiché i nostri aventori i podarà provar calcossa de tipico bisiàc.